Sabi pas dire se d'agricultors olandés sont mai astuciós o mai viciós. Es totjorn que mai que d'un manipòla la realitat de sei tèrras de facturar. Un projecte de seguit dei declaraciens d'agricultors de la comuna neerlandèsa d'Oost Gerle a mostrat, amé sei projecciens sus tot lo territòri neerlandés que - probable - tres agricultors sus quatre manipolan lei declaraciens de tèrras facturadas, ce que costariá mai o mens vint un milliens d'euròs d'ajudas europencas indegudas. Segons lo media en linha Follow the money, que s'emplega a corsejar lei afaires de fraudas e corrupciens, leis agricultors olandés son convidats a declarar sei tèrras facturadas en linha ; am'aquò li bastan de trobar de tèrras comunalas e de lei declarar coma facturadas. En generau, leis utilisan una briga en realitat per li espandir de femier e li cultivar quauqueis èrbas... degun servici d'Estat aniriá a contrarotlar sens una denoncia. Achterhoek, quartier d'Oost Gerle a fa d'enquistas e trobar que lei ribas de rotas, proprietat comunala, èran declaradas coma tèrras agricòlas per d'agricultors, e pas qu'un pauc, que parlan de vintasièis professionaus fraudaires per autant de parcèlas. Lo cas de la comuna de Berkelland a mostrat que la frauda portava sus dos cents ectaras : a 420 € d'ajuda UE per ectara, èra pas tant mau ! Lo sistèma deuriá s'esperlongar bòrd que lo projecte d'Oos Gerle s'es arestat, per fauta de personau per sasir d'un biais manuau totei lei tèrras publicas sus lo cadastre numeric, un pretzfach de Roman ! Per contrarotlar faudriá que l'agricultor fraudaire declara la tèrra d'un autre agricultor ja declarat. Sens'aquò lei logiciaus veirián ren...